مولتن كيك تشيليز بالصور والخطوات لذيذ

من طرف **نورات** الثلاثاء 10 أغسطس 2010, 6:01 am

هاي بنوتات وامهات

اليوم يايبتلكم طريقة المولتن كيك .. أكيد اللي راحت تشيليز ماطوفته ... صح؟

وعلشان طعمه لا يقاوم.. قلت بسويه وبدور على الطريقه

وحصلتها من جم موقع اجنبي اهم يضبطونه يمي يمي .. بنات والله ماتصدقون لو قتلكم يوم وترك اسويه

ولي زارتني وحده من رفيجاتي ... ما يبيلها كلام اسويلها

وخربت رجيم بعض الناس لول

واااااااااااااي بتنفلعين شوشو خلصينا

احم

باسم الله

هاذي صورته والطعم أحلى .. لو عجبكم شكله كملو معاي

[ندعوك للتسجيل في المنتدى أو التعريف بنفسك لمعاينة هذا الرابط]

المقادير:5 بيضات - نص قلاص سكر مطحون - 100 جرام ككاو ساده ( أربع مربعات من القالب السميك) - 4\3 قالب زبدة بو ميتين جرام - أربع قفاش طحين

الطريقة بشكل سريع:

- تذوب الزبدة مع الككاو في حمام مائي ( بنات الماي ما تخلونه يلمس قاع الصحن اللي تذوبون فيه الككاو .. ليش ؟ لا تسألوني اهما قالوا جذي بأكثر من موقع أجنبي)
- نضرب البيض مع الشكر ضربا مميتا ليمن تصير نفس الكريمة.
- نضيف الككاو الذائب المبرد لمدة 3 دقائق لا أكثر إلى خليط البيض والشكر مع التقليب ( بنات الككاو ضيفوه بشويش والتقليب لا يوقف علشان البيض لا يستوي دربالكم.
- بعد ما يمتزج الخليط نضيف الاربع قفاش طحين ونقلب عادي ليمن يمتزج الكل

شفتو شلون؟ بيس اوف كيك

بنات الحين اتييبون القوالب مالت المولتن كيك او المفنز تعرفونهم السيراميك الابيض

أو تسوون نفس حلاتي بطريقة مختصرة .. صينية الكبكيك

دهنوا القوالب بالزبدة ورشوا طحين مخلوط مع ككاو بودر

وصبوا الخليط عادي لي أكثر من 4\3 القالب ما راح ينتفخ وايد ابدا

وخلوها من 7-10 دقايق على درجة 180-200 سيليزية

وبالعااااااافيه عليكم

اخليكم مع الصور

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

وسلامتكم