ابدفن حزني بقلبي واجازي غيبتك بغياب

من طرف **جوري** الثلاثاء 27 يوليو 2010, 5:13 am

أصد هناك بعيوني وألبسها العمى وأغتاب..!
جروحك / ذكرياتك / حالتي / وش صار بغيابك!

تغافلني على قلبي و تدخل ماطرقت الباب !
ولك عفيه عن قلبك إذا خنجرك جابك

عرفت تخون يالوافي وتلقى بالمدى أحباب !
بغدرك كيف ماأدري وانا اللي منك أدرى بك

أنا ماأشرهـ على حظّي لأن الحظ ماقد طاب
أنا بشرهـ على قلب وثق فيك و تهقوى بك

أكيد إن الحكي ضايع ولاينفع معاك عتاب
وأكيد إنك خسرت الحب وأللي صار بأسبابك

أبدفن حزني بقلبي وأجاري غيبتك بغياب
وأكبر عقلي وأرحل بلا ماأتلف أعصابك..

تأكد لو بغيت أجرح أبجرح قلبك وترتاب..
تجيبك قسوتي عندي مدام الطيب ماجابك

كثير أشياء تمنعني وأول هذي الأسباب
بإنك شخص لو أجرح شعورك / أكسب إعجابك

أسولف لي عن أحزاني وأفتح للألم أبواب
وأقلّب همّي بقلبٍ [ سقط سهواً ] من حسابك

تحير بحلقي العبرة وألبسها الدموع ثياب
بكاني كل شي حتى غلاك و وحشة غيابك

مما اعجبني

من طرف **بسمة حنان** الثلاثاء 27 يوليو 2010, 5:45 am

سلمت يداكـ

وابدعتي بطرحك رائع

كلمات رائعه جدا

من طرف **DmOoO3 7by** الثلاثاء 27 يوليو 2010, 9:51 pm

تسلمين على الاختيار الذووق

دمتي بود

من طرف **القلوب** الأربعاء 28 يوليو 2010, 6:38 am

سلمت أناملك.....

من طرف **الأماني** الأربعاء 28 يوليو 2010, 1:13 pm

عرفت تخون يالوافي وتلقى بالمدى أحباب !
بغدرك كيف ماأدري وانا اللي منك أدرى بك

أنا ماأشرهـ على حظّي لأن الحظ ماقد طاب
أنا بشرهـ على قلب وثق فيك و تهقوى بك