شفتها يانواف صدفه ... !

من طرف أبـو نـــواف الخميس 29 يوليو 2010, 3:58 am

شفتها يانـــواف صدفة بعد ما غابت سنين

عند قسم المختبـر وسط مشفى الجامعة

جيتها ثم قلت ممكن في سؤالي تسمحين

ناظــرت فينـي بدهــشة نظرةٍ متواضعة

قــــالت انته تـحسبني مــن بنات صايعين

تـحسبني في زماني عن طريقي ضايعه

قلت أنا ما راح أطول كـل أبوها كلمتين

وأبعــــدت عني شويه ثم جتنـي راجعـه

قـالت أسال واضح انك من رجالٍ طيبيـن

بس هرجك يالسنـافي كان وش هو دافعـه

قلـــت أنا حبيت وحده يوم كنا صغيـرين

ومن ثمان سنيـن راحت للمواصــل قاطعـه

عقبهـا مــا ذقت نـوم يهتني به النايمين

ســاهر في طول ليلي لين شـمسي طالعـه

اذكر انه فيه حبه فـوق ثغـره مـن يميـن

واذكـر انه لا جــرينا كـــــان شعـره تابعـه

واذكر انـه عـــاشـق فالــورد الياسميـن

صـــــار قلبي بالورود اللي عشقهـا زارعـه

طابعاً اسمه بقلبي فيه سين وفيه عــين

وفيه ألـــف وفيه دال وســط قلبـي طابعـه

قاطعتنـي بقولها سبحـان رب العالميـن

كـــررتـها مــــــره ومــــــــــرتيـن ورابعـه

قلـت وشفــيك وشبـلاك بابنيه ترجفـيـن

ليش عينك يابنيه مـــــن كـــــلامـي دامعة

قــالت الموقف وقلبي والمـحبة والحنين

كــيف أشـوفك بعد مــــا كنت عنك قانعة

قلت أنا بسالك أن كأنك أنتي تذكرين

عــن مواثيـق ثـمنها مــــن حــياتـي دافعـه

قالت ظروف الزمان ما تطيع العاشقيـن

بيعونـي غـصب حـــبك لو هو ماني بايعـه

أنا في دنياي حالي كنها حال السجين

حتى لــــو فكـــوا سراحه فيه شي مانعـه

زوجوني غصب واحد وحرموني حاجتين

السعــــادة فـي زمانـي والحيـــاة الرائعة

والحين أنا أم لثلاثة عندي ريم وياسمين

والولد اسمه على اسمك والمشاعـر جايعـه
♥♠♥

__ وسلامتكم __

من طرف **القلوب** الخميس 29 يوليو 2010, 5:36 am

قصيده رررائعه ....سلمت يمناك

من طرف **DmOoO3 7by** الخميس 29 يوليو 2010, 6:35 am

تسلم اناملك على القصيد

صح لسانك ولا هنت

ما عليها كلااام

ما ننحرم من ابداعك

من طرف **بسمة حنان** الخميس 29 يوليو 2010, 8:06 am

سلمت يمناك

من طرف **الأماني** الخميس 29 يوليو 2010, 11:27 am

أنا في دنياي حالي كنها حال السجين

حتى لــــو فكـــوا سراحه فيه شي مانعـه

صح السانك اخوي وتسلم يمناك لاهنت

قمة الرووووووعه وقمة الابدااااع ماشاء الله عليك

اعجبتني القصيدة وداعبت المشاعر بكلماتها الصادقة جميله جميله بصدق تلك المعاني الوافيه

لاخلا ولاعدم اخوي ونحتري روعة ابداعك الشامخ

لك ودي واحترامي [ندعوك للتسجيل في المنتدى أو التعريف بنفسك لمعاينة هذه الصورة]

~