قصيدة تبي ترحل بعد .. !!

من طرف **الأماني** الجمعة 03 ديسمبر 2010, 12:08 am

تغيب وأنتظر واملى عيوني بالبكى واشتاق
واسولف للغياب اسرار جرحي لين يَبْكِيني
تناهيد ومواجع غيبتك ماتت بها الاعماق
تجي واحيا ويحيا خنجرك مابين ضلعيني
تجي ساكت.. وترحل ماحكيت.. اشفيك ماتشتاق
وانا كنت احْسِبَك من تاصل لقاعي تناديني
يبس قاع الحنين من السكوت وجفّت الاوراق
دخيلك قلّي إش صار بغيابك ليه جافيني
قسم بالله احس الكون هذا في سكوتك ضاق
واحس بشي لاجيت اوصفه ماعاد يمديني
ارتّب لك يديني بالحنين وضمّتين عناق
وإلا جيت ألمسك ماحس فيني .. بس وش فيني
شعوري إيه مزعج.. إيه نازف.. إيه ماينطاق
ولكن وش شعورك وانت راجع لاجل تنهيني؟؟
تبي ترحل بَعَد؟؟ خذ كل شوقك جعل ماتنعاق
ورح يم السنين اللي خذتْك من اول سنيني
دقيقه.. بس كان الوقت يسمح لك بدون إرهاق
بقى عندي سؤالٍ لح بين شفاهي وبيني
امانه ليه جيت من الغياب تبشّر الآفاق
ويوم إني حييت بجيّتك تقطع شراييني؟
للرحيل عبارات خفيّه عن إبتسامات اللقاء